אינדקס אתרים - Trumot leh Maasrot - 4 - Tunlaia tih dan

Bung 4

 

Tunlaia Trumot leh Maasrot tih dan

איך להפריש תרומות ומעשרות בזמן הזה

 

1.  Mi Chuan, Maaser a pek dawn chuan, a hmasain a dah khawm  vek tur a ni a, entirnan; Thlai darh nuai te chu bawm pakhata dah khawmin emaw, Bawm hrang hrang te chu thil hmunkhata dah khawmin emaw, a pek tur a te, Truma gedola ani emaw, Maaser rishon ani emaw, Maaser sheni ani emaw, an awmna hmun theuh chu , a hmar lamah a ni emaw, a chhim lamah ani emaw, a chung lamah ani emaw, ahnuai lamah a ni emaw, a ngaihruat hmasain a duang lawk hmasa vek phawt tur niin, hmun a pe ṭheuh tur a ni a, tin, Thei chi hrang hrang (chi inang lo ) te  pawh hmun khata dah pawlh khawmin a  pe rual thei a, amaherawh chu, a pek hian, Thei chi tin a mi chu  a pek tur awm zat chu a la hrang ve thlap vek tur a ni.

  

 

2.   Truma Gedola : Truma gedola atana kan lak hrana chu ei tu tur an awm tawh loh avangin paih mai tur a ni kan ti tawh a, chuvangin, Khakhamim (Rabi te) ten lak zat tur min lo bituk sak ang kher khan kan la lo ang a, 'Torah' dan in kan kal zawk mai tur a ni, Torah dan ah chuan  tlem azawng chauh a phut avangin tlemte chauh kan la hrang ang a, chu chu sawi tawh angin ei tu tur an awm lova,   chuvangin tih boral tur a ni a, a tih boral nan hian Sakit (sahar) pakhata  fun phawta chumi hnuah thil thianghlim anih avangin, zahna (Kavod) entir / pek nan Sakit dangin kan tuam leh tur a ni.

 

 

3.  Maaser Rishon :   Thianghlim kher lovin mi zawng zawngin an ei theih avangin, lak chhuah kher angai lova, achhanchu, kei mahni pawn kan ei theih vang a ni, amaherawhchu, Maaser Rishon ami Levi ten sawma pakhat Kohen te hnena an pek ve, Kohen chanpual  chu a thianghlimin tumah ei tu tur an awm tawh loh avang in, chumi (Trumat maaser)   tih loh chu lak chhuah kher a ngai lo a ni, amaherawhchu,  'Beit Yosef' dan ah chuan tun lai ah pawh Levi ten thianghlim khera an ei a ngaih loh a vangin kan pe tur ani a ti a ni.

 

 

4. Trumat Maaser :   Maaser rishon ami sawma pakhat Levi in Kohen hnena a pek chhawn ve leh chu ani a, a thianghlim a, tumah ei thei tu an awm loh avangin ala hrang tupa (Lo nei tu / Maaser petu) chuan a thlai / thei zawng zawng ata Za a pakhat (1/100 , 1%) chu a Hmar lampang sir Maaser Rishon tur atana a hmun ruat ami chu ala hrang ang a,   a hmaa Truma Gedola Sakit  pahniha a fun chhungah khan a dah ve tur a ni.

 

         Tichuan a Brakha (Malsawmna) leh Nusakh (a awmzia chham tel ṭhin) a sawi hnu chuan bawlhhlawh bawmah tuma lak loh turin fimkhur takin a paih mai tur a ni.

  

 

5.   Maaser Sheni :  'Shmita' (Ram chawlh kum) kum chhiara a kum 1,2,4,5  na ah lak tur a ni a,  sawi tawh angin  Yerushalaim ah ken a, thianghlim (tahor)  chunga eitur a nih avangin, hmun thianghlim leh intihthianghlimna  'Para Aduma' a awm tawh loh avangin 'Matbea' (Pawisa thir) in kan Podim (tlan) a ngai a, amaherawhchu , kan Podim na Sum / Pawisa pawh chu athianghlim a, Yerushalaim (hmun thianghlim) ah chauh ei tur lei nan hman tur a  ni a,  amaherawhchu,  Yerushalaim thianghlim kan neih rih tak lovah chuan, chu kan tlanna Sum pawh chu kan hmang thei dawn ta si lova, chuvangin, he  Sum a chantirna awmzia taka hi  'Maaser Sheni' thianghlimna (Kedusha)  a kha Sum ah chuan kan hlanchhawng tihna a ni a, chuvangin,  adan tur ang taka a hmanna hmun te kan neih tak loh avangin, a tam lam man hu zat khera tlan lovin, a thianghlimna hu a chu Sum man hu nei te ber 'Pruta' (dere) ah kan chantir zawk mai ang a, tunlaia chumi hu ang vel chu  Shekel 1 chhungah Pruta Sarih (7) vel a awm a, chumi chuan kan tlan tur a ni.

 

       Tin, Maaser Sheni hi suma chantir a nih chuan  Chawi 'Khomesh' a awm bawk a,  tichuan hemi Pruta chhungah hian a Khomesh a pawh chu kan awm tir ve nghal bawk ang a, chumi chu   Shekel khat chu ṭum sarih 'Maaser Sheni' pek nan kan hmang thei tihna ani a,  tin, chu Shekel kan hman (tlan) tirh berna chu 'Tevel Vadai' (Maaser pek ngaihna chiang bal) ami ani tur a ni.

 

      Tichuan, chu chu 'Pruta Khamura' tih a lo ni ang a,   'Tevel vadai' nilo, 'Damai' atana aṭum hmasa bera kan lo tlan (Podim)  palh chuan a hnu ah 'Tevel Vadai' tlan nan a hman theih loh a ni, tin,  he Matbea (pawisa thir) a hi a thianghlim (kadosh) a, chuvangin,  thil lei nan hman thiang a ni lova, tin Shekel dang nen kan thleng tur a ni bawk lova, chutiangin, 'Tsedaka' ah pawh kan pe thiang lo bawk, achhanchu, he 'Matbea' (pawisa thir) chhung ah chuan thianghlimna a awm tlat tawh vang a ni,  chuvangin, eng dang mahin apawlh buai loh na turin hmun ruat bik (bawm chhungah emaw) ah dah ṭhat tlat tur a ni, kan tibo palh tur a ni hek lo, tin, he kan tlanna pawisa (Matbea) chu 'Maaser Sheni' tlan nan kan lo hmang khat tawh a nih chuan, Matbea (pawisa thir) dang kan la leh ang a, hmun sarih ah bawk then lehin, a Shekel / Matbea (pawisa thir) hmasa zawk ami Kedusha (thianghlimna) zawng zawng  chu kan   tlanna tur pawisa thir (Shekel) thar a mi hmun ruata  Pruta 1 ah chuan kan hlanchhawng (Mekhalel) ve leh ang a, tichuan, a shekel hmasa zawk a chu 'Khulin' (thianghlimna nei lo) ah kan chantir tihna a ni, tin a shekel thar ah chuan 'Pruta' (Dere) dang hmun ruk (6) a la awm a, chungte chu 'Maaser sheni' dang pek veleh zel nan hman  chhoh zel a, a khah hunah chuan shekel (pawisa thir) dang lak leh a hlan chhawn zel mai tur a ni.

 

           Tin, chung kan 'Podim' na Shekel te chu   'Shnat Biur Maasrot' (Maaser tihral  kum)   'Shmita' kum chhiara  a kum 4 na leh, a kum 7 na  Erev Pesakh ah emaw, 'Erev Shvii shel Pesakh' ah tihral tur niin, Yam Hamelakh (tuipui thi) ah tuma chhar  leh  theih tawh loh na turin paih luh tur a ni. Yam Hamelakh a paihlut kher lo pawh hian 'Matbea' chhunga Kedusha awm chu theirah ah emaw 'Mekhalel' chhawn a, chumi hnuah kha theirah a kha Biur mai tur a ni.

 

 

6.    Maaser Ani :  'Shmita' kum chhiara a kum 3 na  leh, kum 6 na  ah , ala bang aṭangin Sawma Pakhat lak hran a, 'Tevel Vadai' (Maaser lak ngaihna chiang bal) ami chu Miretheite hnenah  pek tur a ni, tin, 'Safek' (pek tawh anih rinhlelh kai)  ami chu lak chhuah kher a ngai lova, mahnin ei mai tur ani.

 

        Tin, 'Maaser Ani' hi Sum pawhin a tlan theih a, Suma kan tlan anih chuan Sum hu tam, hlutna nei thama tlan tur ani a, miretheite hnena pek tur a ni.

 


                                                                                                                    

*Sikum - (Khaikhawmna);

 

*Truma Gedola : Sakit 2 a tuama paih tur.

 

*Maaser Rishon : Lak chhuah kher a ngai lo.

 

*Trumat Maaser : 1% lak chhuah a Sakit 2 a tuam a paih tur.

 

*Maaser Sheni : 'Pruta' a Tlan (podim) tur.

 

*Maaser Ani Sawma pakhat Rethei te hnenah pek tur, pek loh pawh a theih.

 

בניית אתר בחינם

במידה ואתה רוצה לבנות אתר בחינם, תוכל להתנסות באחת מהמערכות שלנו לבניית אתרים בחינם, בחר עיצוב והתחל לבנות אתר לעסק שלך
 
מצד שמאל תוכלו לראות מגוון עיצובים שתוכלו לבחור לאתר הסלולרי החדש שתבנו בזופ בדקות הקרובות
 
לאחר שתכנסו למערכת הניהול תחשפו לאפשרויות רבות לניהול התוכן באתר, תקבלו קוד QR ייחודי לאתר שלכם, תוכלו לנהל דפי תוכן, מפות, טפסים ועוד..
 
לחץ כאן לבניית אתר בחינם

החבילות של זופ

זופ מציעה שירותי פרימיום, לניהול אתר המובייל שלך.  שימוש בדומיין שלך, אחסון ברמה גבוהה , קידום באינדקס אתרים שלנו ועוד...

 

 
לחץ כאן לצפייה בחבילות של זופ