אינדקס אתרים - Trumot leh Maasrot - 5 - Pek hmaa hriat tur

Bung - 5

 

MAASER PEK HMAA HRIAT TUR PAWIMAWH TE

דברים שחייב לדעת לפני הפרשת תרומות ומעשרות

 

1.  Shabat leh Kut ni : Shabat leh Yom tov (kut ni) ah chuan Maaser a pek theih loh kan ti tawh a,  amaherawhchu, a tih theih dan a awm thova, chu chu hetiang hian a ni, Thlai leh Thei chu kan huam chhungah kan ta nia a awm tawh chuan, Maaser la pek loh a ni bawk si a, tin, chu chu Shabat ni ah ka ei ngei ngei a ngai bawk si chuan emaw, a petu tur keimah lah chu hmun dangah ka awm daih mai si a, shabat ah chauh ka in ah chuan ka haw hman dawn bawk  si a, emaw, Thei emaw Thlai  emaw chu Shabat aia rei a awm chuan a chhe vek mai dawn si ang thuhla ah te chuan, Erev shabat (Shabat dawn) ah chuan a 'Nusakh' (a awmzia chham tel thin) chu nakin ṭawngkam (lashon atid) hmangin ka sawi ang a, ka thei leh thlai te chu, tun ah a hmuna ka pek theih rih loh avangin, Shabat a ka lak hran hunah Trumot leh Maasrot lo ni rawh se tiin a dinhmun (tnai) ka lo siam lawk a nga, tichuan, Shabat ni ah chuan ka la hrang mai tur a ni, 'Tevel Vadai' anih chuan Brakha leh a 'Nusakh' nen ka pe ang a, 'Safek Tevel' anih chuan Brakha tel lovin ka ti ang.

 

      Tin,  hetia Shabat nia Truma leh Maaser ka lak hran hian ka lak hran veleh chuan, ka lak hran (Trumot leh Maasrot) a te  chu 'Muktse' (Shabat nia lak sawn thiang lo) an lo nih dawn a vangin, kan kuta a la  awm lai hi chuan a la thiang (mutar) a, chuvangin, kan kut aṭanga a dahna hmun tura dah a nih hian fimkhur hle tur a ni , a chhan chu dah a nih rual hian a hnuah khawih sawn thiang a ni tawh lo a ni.

 

 

2. Shmita kum ah : Israel ram chhunga Goi (Jentel) thlai leh thei thar te chu Maaser pek a ngai lova, amaherawhchu, a 'Gmar Melakha' (a thil tih hnuhnung ber) chu Juda miin a tih chuan pek angai tho va,  chutiangin, 'Shmita' (Ram chawlh kum) kum ah pawh Juda thlai leh thei thar ah chuan Maaser pek angai lova, amaherawh chu, 'Shmita' kum a Goi thlai leh thei thar emaw, Thlai leh Thei ram pawn aṭanga Israel rama lak luh, a 'Gmar Melakha' chu Juda miin a tih chuan  'Trumot leh Maasrot' chu pek a ngai a, amaherawhchu, Brakha sawi a ngai lo a ni, a 'Nusakh' nen chauh pek mai tur ani a, tin,  'Maaser Sheni' nge 'Maaser Ani' pek tur chungchang ah hian ngaihdan inang lo (makhloket haposkim) a awm a, chuvangin, 'Safek' anga pek tur a ni, "Maaser Sheni a nih leh a ni ang a, Maaser  Ani a nih leh  a ni ang",  tiin 'Pruta' a tlan (podim) mai tur ani.

 

 

3. Shnot hamaaser (maaser kum te) :  Sawi tawh angin 'Maaser Sheni' chu 'Shmita' kum chhiara a kum 1,2,4,5 na ah te pek tur a ni a, tin 'Maaser Ani' chu a kum 3,6 na ah pek tur tih kan hre tawh a , amaherawhchu, kan thlai, thei leh buh thar aṭangte chuan engtin nge chung kum amite chu an nih tih kan chhiarin kan hriat theih tak ang?   Thlai leh Thei  te hian an mahni pualin kum thar ni te an nei ve thliah hlawm a, chung an kum thar ni te chu eng dinhmun a an awm hun in nge chhiar leh ruat  an nih te chu chi hrang hranga then ani leh a, chungte chu;

 

(1)- Yerakot (Thlai hring) : an kum thar ni chu 'Tishrei' thla  ni 1 ani a, a chhiar hun chu , a kung aṭanga lawh an nih hun chu a ni.

 

(2)- Tvua (buh lam chi) leh Kitniot (a chi ei chi) : an kum thar ni chu 'Tishrei' thla ni 1 ani a, a chhiar hun chu 'Shlish Gidul' (a puitlin hun hmun 3 a thena hmun 1)  an nih hun a chhiar leh ruat a ni.

 

(3)- Peirot (Thei rah) : a kum thar ni chu 'Tu Bishvat' (Shvat thla ni 15) ani a, a chhiar hun chu a  'Khanata' (a par a tlak chiah, a rah sen ṭan) hun aṭangin a ni.

 

(4)- Etrog (Arbaat minim a hman thin ser, mi ṭhenkhatin hei hi Serfang an ti a, mahse ani lo a ni) : a kum thar ni chu 'Tu Bishvat' ani a, a chhiar leh ruat hun chu a kung ata lawh a nih hunin a ni.

 

  

4.    Safek (rinhlelh kai) : Rinhlelh kai tih hian kawh hrang hrang a nei thei a, hetiangin; kan thei leh thlai Maaser kan pek tur te chu a rep ani emaw, a hring ani emaw, ahmaa kan sawi tak ang khian thlai lam ah chuan, eng tika an lawh nge tih emaw, thei lampang ah chuan engtikah khan nge a 'Khanata' hun tih te, 'Kitniot' ang chi leh Buh lam chiah chuan engtik khan nge a 'shlish gidul' tih te kan lo hre chiang lo thei a, chumi awmzia chu, 'Maaser Sheni' nge 'Maaser Ani' pek ngai tih kan lo hre lo palh thei a, chuvangin, vawi hnih pek nawn mai tur ani a, a 'Brakha' tello in, a 'Nusakh' nen chauh chuan 'Maaser Sheni' tan leh 'Maaser Ani' tan ṭum hnih pek mai tur a ni.

 

          Chumi a lo nih avang chuan dawra thlai kan lei te chu chi inang pawh nise dawr pahnih hran ve ve a kan lei a nih chuan, 'Maaser' chu a rualin a pek theih loh tihna a lo ni ta a, chutiangin,  dawr khat a mi pawh chi inang lo chu a rualin a pek kawp theih loh bawk a, a hran ve  ve a pek tur a ni,  tin,  kan hriat chian Thei pawh chu tunkum a mi thei leh nikum lam ami thei te chu a rualin a pek kawp theih loh bawk a ni.

 

          Tin, chubakah, Thei emaw , Thlai emaw chu 'Tevel vadai' leh 'Safek' reng reng te chu a rualin pek thiang lo a ni bawk a ni.

 

 

5. Hafrasha min hamukaf : Kan Thei leh Thlai 'Maaser' kan pek tur reng reng ate chu, a dahna tura dah an ni tawh a nih pawhin,  a chhin emaw chu hawn vek a, hmun khata insi a dah vek tur ani a, chumi hnu ah chauh chuan Maaser chu pek tur a ni.

  

 

6.  A pe thei tu : 'Trumot leh Maasrot' hi sawi tawh angin puitling mipa pawh, hmeichhia pawh, a pek dan thiam rui lo hai lo mipangai, Juda mi chuan a pe thei a,  amaherawhchu, a petu hian ama ta chauh a pe thiang thung a, aṭhenawmpa ta emaw, a ṭhianpa ta chu a pe thei lova, mahse, a ṭhianpa emaw tu pawhin kan pe thiam lo, tiin emaw, harsatna dang a awm chuan a pe thiam chu pek tir theih a ni a, amaherawhchu, a pe thiam hnen ah chuan a pek hmain pek phalna aneitu pa chuan a pe phawt tur a ni, hei hi ṭawngka hmang pawhin "min pek sak teh khai" tia a sawi chu a tawk a ni.

 

 

 7. A chi hrang hrangte a ruala pek dan :  Thei leh Thei chi inang lo emaw, Thlai leh Thlai chi inang lo te chu, an 'Dargat khiuv' (Maaser pek ngaihna kum inang) a zirin a rualin a pek theih a, hetiangin; Theihai leh Apple te chu 'Shmita' kum chhiara a kum hnihna mi ve ve angte chu a rualin a pek theih a, amaherawhchu, chutianga chi inang lote a ruala kan pe dawn a nih chuan, a chi tin aṭang   chuan azat tur tuk zat ang ṭheuh te chu lak chhuah ve ṭheuh tur ani a, tin, kum hnih na a mi leh a kum thumna a mi ang te chu a ruala lak thiang a ni lo a ni, achhanchu, a pakhat zawk chu 'Maaser Sheni' kum ta ani a, a pakhat zawk chu 'Maaser Ani' kum ta a nih vang a ni.

 

*  Tin, Thei leh Thlai lawhsa kum inang lo te chu, 'Maaser' pek hmain  lo in pawlh palhin hriat hran theih ni lo ta ang se,  a rah tin te chu a mal mal in pek vek tur a ni.

 

*  Tin, Thei leh Thlai 'Maaser' pek tawh zingah chuan 'Maaser' la pek loh chu lo tla palh ta ang se hriat hran ni tawh bawk si lo se, a chi inang zing ah chuan alet 200 'Maaser' pawk tawh te chu a awm chuan  a ngaih bo theih a, ei thiang a ni.

 

        Tin, a chi inanglo zingah chuan a let 60 'Maaser' pawk tawh chu a awm chuan a ngaih bo theih bawk a, ei thiang a ni.   

 

*  Tin, Thei leh Thlai a 'Truma' kan lak chhuah a chu 'Maaser' la pek loh Thei dang zingah chuan tla lut palh ta ang se, hriat hran theih loh a nih chuan, Rav hnen ah kal a, 'Hatarat Nedarim' (thu sawi tawh sut lehna) chu tih tur ani a, chutah , kan 'Maaser' pek chu sut leh a, abul aṭangin pek ṭhat leh mai tur a ni, chutianga tih a nih loh chuan a let 1000 dang a awm pawh in ngaih bo thiang lo a ni.

 

 

8.  Brakha (malsawmna) : 'Tevel Vadai' (Maaser la pek loh chiangsa) ah chuan a tlem lua emaw a tam lua emaw, Thei rah pakhat lekah emaw pawh nise, 'Brakha' leh 'Nusakh' chu sawi ngei ngei tur a ni.

 

בניית אתר בחינם

במידה ואתה רוצה לבנות אתר בחינם, תוכל להתנסות באחת מהמערכות שלנו לבניית אתרים בחינם, בחר עיצוב והתחל לבנות אתר לעסק שלך
 
מצד שמאל תוכלו לראות מגוון עיצובים שתוכלו לבחור לאתר הסלולרי החדש שתבנו בזופ בדקות הקרובות
 
לאחר שתכנסו למערכת הניהול תחשפו לאפשרויות רבות לניהול התוכן באתר, תקבלו קוד QR ייחודי לאתר שלכם, תוכלו לנהל דפי תוכן, מפות, טפסים ועוד..
 
לחץ כאן לבניית אתר בחינם

החבילות של זופ

זופ מציעה שירותי פרימיום, לניהול אתר המובייל שלך.  שימוש בדומיין שלך, אחסון ברמה גבוהה , קידום באינדקס אתרים שלנו ועוד...

 

 
לחץ כאן לצפייה בחבילות של זופ